ابتسم من فضلك
انها سلسة مواعظ لواعظ حلبنتيش..خيال فى خيال ونأسف ان كان بها كلمات ركيكة
او مسيئة وهى باللغة العامية اكثر منها بالفصحى للواعظ العظيم الواعظ الفظيع
والمفسر الضليع (عظة رقم 2) بولس وسيلا فى السجن اع 16
المقدمة:دخل بولس وسيلا السجن ظلما وبسبب شهادتهما للرب ولكن الناس
مابترحمش والناس مابتعرفش الواجب وياحسرة عليهم ماحدش راح زارهم ولا سأل عليهم ولا
واحد اخذلهم عيش وحلاوة طحينية ولا حتى جبنا نستو لاكن الرب طلعهم بمعجزة وهذا هو
الموضوع عظة اليوم فى فكرتين هما :-
اولا:ما حدث داخل السجن:-
1. معاملة سيئة فيها ضرب واهانة وشتيمة.
2. نوم على الارض حيث شالوا السراير ومافيش لا بطانية ساراتوجا ولا بطانية
سانتا مورا ولا حتى بطانية السعادة ولا لحاف قطن او صوف او فيبر .
3. قيدوهم بحديد غالبا من مصانع الحديد والصلب والحديد كان 5لنية و7لنية .
4. كان بولس وسيلا يصليان ويسبحان ويرنمان وكانت الترنيمة على حسب اعتقادى
هى:اوعى تكون مشغول بالقمح او بالفول ..ايامنا مش تطول بكرة هنخرج على طول..وطبعا
رنمو الترنيمة دى علشان المساجين مش فاضيين من الشغل والعمل علشان يصلوا.. المهم
:ربنا خرجهم من السجن بمعجزة .
ثانيا:ماحدث خارج السجن:- خرجوا وذهبوا عند السجان فى بيتة واكرمهم كالاتى
:
1.
احضر لكل واحد فيهم فوطة وصابونة لوكس مش
كامية واشترى لكل واحد ليفة للاستحمام واستحموا فى نفس الليلة.
2.
احضر لكل واحد بيجامة ينام فيها ((اللة يكرم
الذين يكرموة)) .
3.
خلى امراتة تذبح ذكر البط الموجود فى البيت.
4.
كل خمسة دقايق يقوم الرجل يبوس على راس بولس
وعلى رجل سيلا ويقول: سامحنى ياعم بولس وأسف ياخالى سيلا وبعد العشاء جابلهم الحلو
بطيخ وشمام وفول سودانى وعصير مانجو.
5.
اخيرا قام يودعهم بعد ان كلمهم بولس عن الرب
وقال لهم :-عقبال كمان يارجالة وتعيشوا للمرة الجاية وانا سوف اكرمكم افضل من هذة
المرة وان دخلتم السجن تانى انا هجيب لكم فاكهة بدل العيش والحلاوة وبطيخ وجبنة
قديمة ومع السلامة واوعوا تمشوا فى سكة الندامة .
اخيرا:الدرس: شفتم يااخوة دخول السجن جميل ازاى واكرم فية ازاى ..شد حيلك
يااخى علشان يكرمك السجان .
وشكرا.... الى اللقاء فى عظة اخرى .
تعليقات
إرسال تعليق